,,ერთიანობა – ნაციონალური მოძრაობის” ლიდერი, ,,სტრატეგია აღმაშენებლის” თავმჯდომარე, გიორგი ვაშაძე “ტვ პირველზე”, ინგა გრიგოლიას გადაცემა ,,რეაქცია”-ში ერთიანობის მნიშვნელობაზე, პოლიტიკური ერთობის აუცილებლობაზე საუბრობს:
,,სად არის გამოსავალი? რა უნდა გავაკეთოთ იმისთვის, რომ ივანიშვილი საბოლოო დავასამაროთ? უპირობო დიდი გაერთიანება უნდა ჩამოვაყალიბოთ! ნახევრად ერთიანობა არ გამოვა! იმას ვგულისხმობ, რომ აქ ერთიანი ვიყო და მერე არჩევნებს თუ მივაღწიე იქ ცალ-ცალკე ვიყო, მერე ისევ ოთხ სიაზე და შვიდ სიაზე დავიწყოთ მსჯელობა… არ გამოვა ეს, ვერ იქნება ეს სრულფასოვანი ერთიანობა! მე გეუბნებით, ჩემს მოდელს.
მე მჯერა მარტო სრული ერთიანობის! რას ვგულისხმობ ამაში? ყველა პარტიის წარმომადგენელი თუ პარტია ერთად დამჯდარი, სალომე ზურაბიშვილთან ერთად!
ჩვენ ახლა უნდა გავერთიანდეთ იმ იდეის გარშემო, რომ საქართველო ბიძინა ივანიშვილის გარეშე არის ამ ქვეყნის გადარჩენა!
მე გეუბნებით აი რა არის გასაკეთებელი: სასწრაფოდ, სალომე ზურაბიშვილმა, თქვენი ეთერით ვამბობ პირდაპირ, რა უნდა თქვას, რომ – ყველა პოლიტიკურ ძალას ვიხმობ ჩემთან, ერთიან პლატფორმას ვაკეთებთ! გამოვა მხოლოდ და მხოლოდ ტოტალური ერთიანობა! ამის უკვე შეეშინდება იქეთა მხარეს.
ერთობა რატომ არის იცით მნიშვნელოვანი?! ერთიანობა არის ძალა, რომელიც საზოგადოებას აჩვენებს, რომ ჩვენ გაცილებით მეტნი ვართ და ძლიერები ვართ, ვიდრე მხოლოდ დეზინფორმაციაზე, დიდძალ ფულზე და 500, ასე ვთქვათ, მოროდიურზე დაფუძნებული პოლიტიკური ძალა.
დღესვე უნდა ჩამოყალიბდეს ეს! დღესვე უნდა ვთქვათ, რომ არჩევნებამდეც ერთად მივდივართ და არჩევნებზეც ერთად გავდივართ“, – განაცხადა გიორგი ვაშაძემ.
ავტორი
მარიამ ხაჩირაშვილი
