,,ერთიანობა – ნაციონალური მოძრაობის” ერთ-ერთი ლიდერი, გიგი უგულავა სოციალურ ქსელში სტატუსს აქვეყნებს, სადაც ეხმაურება კოალიცია ,,ძლიერი საქართველოს” ლიდერის მამუკა ხაზარაძის განცხადებას, განმარტავს პარლამენტის ფუნქციონირებასთან დაკავშირებულ საკითხს და კონკრეტული რჩევა-შეთავაზებით მიმართავს გიორგი გახარიას:
,,კონსტიტუციის მიხედვით, 150 კაციან პარლამეტში ასი პირი მაინც უნდა იყოს, რომ ის ფუნქციონირებადად იწოდებოდეს. სამართლიანი პროპორციაა 150/100, ბუნებრივიც. არ აქვს მნიშვნელობა როგორ აირჩა, რა ქნა ან არ ქნა ამ პარლამენტმა. ახალი არჩევნები უნდა ჩატარდეს.
დღეს, ქაღალდზე ივანიშვილის პარლამენტს 101 “დეპუტატი” ყავს. 89 ოცნება, 12 გახარია.
აქვე ვიტყვი, ნამდვილად არ მაქვს საფუძველი ვიფიქრო, რომ გახარიას პარტია ამ პარლამენტში შევა. არა, ძალიან ბევრი ბარიერია უკვე. არც ტაქტიკური საკითხების განხილვაში შევალ, მათი საქმეა.
ვუსმინე ბატონ მამუკა ხაზარაძის განცხადებას. ვეთანხმები მას – პრინციპულად მნიშვნელოვანია, რომ ივანიშვილის პარლამენტში ასზე ნაკლები “დეპუტატი” დარჩეს. ეს ნამდვილად გახდება დამატებითი წნეხი რეჟიმზე, შეიძლება გარდამტეხიც აღმოჩნდეს.
ბატონო გიორგი გახარია მესმის თქვენი პარტიის ხედვის, გვაქვს განსხვავებული, მაგრამ პატივს ვცემ, მეტიც მესმის ბევრი არგუმენტის, მაგრამ მართლაც პრინციპულად მნიშვნელოვანია, რომ ივანიშვილს პარლამენტში ასზე ნაკლები რეგისტრირებული პირი დარჩეს. იქნებ ასეთი გამოსავალი იყოს, მინიმუმ ორმა ადამიანმა დატოვოს რეგისტრაცია, რაც ასის ქვევით ჩატოვებს მათ.
მე ვფიქრობ, ეს შეიძლება იყოს რაციონალური მსჯელობის საგანი პარტიებს შორის და იმედი მაქვს რაციონალურ და სწორ გადაწყვეტილებას მივიღებთ, რაც გააძლიერებს ქართული საზოგადოების ბრძოლას ივანიშვილის ანტიევროპული რუსული რეჟიმის წინააღმდეგ”, – წერს გიგი უგულავა.
ავტორი
მარიამ ხაჩირაშვილი
