ოპოზიციონერი პოლიტიკოსი, კობა ხაბაზი, ჟურნალისტებთან კომენტარს აკეთებს მის სასამართლო პროცესთან დაკავშირებით:
,,არაფერი მე სამშობლოზე მეტი არ გამაჩნია! ჩემთვის სამშობლოზე მეტი არაფერი არ არის!
ლენინის ძეგლებს ვაგდებდი, ასლან აბაშიძის რეჟიმს ვუპირისპირდებოდი, უკრაინაში ვიბრძოდი, თუ დღეს ამ ხელისუფლებას ვუპირისპირდები – ვიცი ერთი რაღაც ცალსახად, რომ მე ვუპირისპირდები, იქაც ყოველთვის ვებრძოდი რუსებს და ეს ბრძოლა გაგრძელდება და აუცილებლად გამარჯვებით დამთავრდება.
მე ამაში ვარ დარწმუნებული. ასე, რომ რა განაჩენს გამოიტანს მოსამართლე აბსოლიტურად არ აქვს მნიშველობა. იმიტომ, რომ ზუსტად ვიცი აუცილებლად გავიმარჯვებთ“, – განაცხადა კობა ხაბაზმა სასამართლო პროცესის დაწყებამდე.
სასამართლო სხდომის დასრულების შემდეგ კი მოსამართლის გადაწყვეტილება სოციალურ ქსელში გამოქვეყნებული პოსტით შეაფასა:
“დასრულდა სასამართლო.
საშინელი კრიმინალი ვარ თურმე.
ვინაიდან “გაძვირებამდე” იყო გზის გადაკეტვა, იმ პერიოდისთვის მაქსიმუმი მომისაჯა სასამართლომ, 500 ლარი და 3 წლით იარაღის ტარების უფლების ჩამორთმევა.
მიუხედავად იმისა, რომ ოკუპანტებთან ომს თუ არ ჩავთვლით, არასდროს მიტარებია იარაღი (ჩემს იარაღად სიტყვას ვთვლი), საშინლად გაბრაზებული ვარ, ყველაფერს გავაკეთებ, რომ სანქცირებულთა სიას დაემატოს ეს ვითომ მოსამართლეები.
ისე ერთ რამეში გამიმართლა, კიდევ კარგი ესენი არ იყვნენ პროკურორ-მოსამართლეები, თორემ ლენინის ძეგლების ჩამოგდებაზე ხომ სამუდამო პატიმრობას ან დახვრეტას მომისჯიდნენ“, – აცხადებს კობა ხაბაზი.
ავტორი
მარიამ ხაჩირაშვილი
