ქვეყანაში შექმნილ რეალობაზე საუბრობს და მძიმე შეფასებებით ეხმაურება ანალიტიკოსი გია ხუხაშვილი:
“რასაც ჩვენ ახლა ვუყურებთ პოლიციის რიგებში, ეს არ არის უბრალოდ სამართალდამცავ სისტემაზე პოლიტიკური კონტროლის დამყარების პროცესი.
ეს ხალხი არის ბიძინას მიერ წარმოებული, “უჯრედის დონეზე” ცვლილებების, ანუ მუტაციის ექსპერიმენტის მსხვერპლი.
ჩვენ თვალნათლივ ვხედავთ, როგორ შეყავთ კუნთმაგარ ადამიანებში იდეოლოგიური შხამი. ამ წესით ახდენენ ფასეულობითი სისტემის კორექციას და ამ პროცესში გენერირებულ აგრესიას აძლევენ სასურველ მიმართულებას.
მუტაციის პროცესი იმდენად შორს წავიდა, რომ ვიზუალურადაც ყველაფერი აშკარა გახდა – მათ სახეც, ინდივიდუალიზმიც დააკარგვინა და ნიღბებს ამოფარებულ ერთიან აგრესიულ მასად აქცია.
საქმე გვაქვს ავღანური, ან ვიეტნამის სინდრომის თანაზომად მასობრივ პრობლემასთან.
მე არ ვიცი, რა იქნება მომავალში, მაგრამ ცხადია, რომ სერიოზული ძალისხმევა გახდება საჭირო, რომ ამ ხალხს დავუბრუნოთ ადამიანური სახე“, – წერს ფეისბუქის პირად გვერდზე გია ხუხაშვილი.
