“გამოჩნდა, როგორ ეშინია ივანიშვილს ჩვენი და არა ჩვენ – ივანიშვილის რეჟიმის” – ლაშა ბუღაძე

ქართველი მწერალი და დრამატურგი, ლაშა ბუღაძე, 2 თებერვალს, თბილისი მოლის მიმდებარე ტერიტორიაზე გამართულ საპროტესტო აქციასთან დაკავშირებით ემოციურ შეფასებას აკეთებს:

,,უმნიშვნელოვანესი დღე იყო, რადგან დაიწყო პროტესტის მორიგი ეტაპი.

გამოჩნდა, რომ დაშინების მიუხედავად, ხალხს არ შეეშინდა და კიდევ ერთი დიდი ზიანი მიაყენა რეჟიმს, რომელმაც ვერა და ვერ შეირგო მოპარული ძალაუფლება, რომელსაც ვერც შეირგებს, რადგან გარდაუვლად დამარცხდება.

ტრასა ფაქტობრივად გადაიკეტა ჩვენი ომახიანი მარშით და გამოვაჩინეთ, რა უბადრუკ დღეშიც არიან სანქცირებულ კრიმინალებს დაქვემდებარებული სრულიად აჭრილი ნიღბიანები…

და რაც მთავარია, გამოჩნდა, როგორ ეშინია ივანიშვილს ჩვენი და არა ჩვენ – ივანიშვილის რეჟიმის.

ვერ მოგართვით, ეს არაა ლუკაშენკოს მიერ უკანალში ამოსმული უბედური ბელორუსი და პუტინის მიერ დაჩლუნგებული რუსეთი, ეს საქართველოა – თავისუფალი და დაუმორჩილებელი ხალხის ქვეყანა!”, – წერს ლაშა ბუღაძე.

ავტორი
ნინი ხიჯაკაძე