პარტია “ფედერალისტების” ლიდერი ქვეყანაში მიმდინარე პროცესებთან დაკავშირებით სრულ პასუხისმგევლობას აკისრებს “ქართული ოცნების” საპატიო თავმჯდომარეს, ბიძინა ივანიშვილს, მის გარემოცვას და არა მარტო…:
“რეჟიმის რეპრესიებზე პასუხისმგებლობა, პირველ რიგში, ბიძინა ივანიშვილს და მის მარიონეტების პოლიტიკურ გარემოცვას ეკისრება, მაგრამ ამ პასუხისმგებლობას მათთან ერთად იზიარებს რეპრესიული აპარატის თითოეული წარმომადგენელი, რომელიც უშუალოდ ახორციელებს უკანონო პოლიტიკურ დევნას ამაზრზენი ფორმებით, რაც დღეს კიდევ ერთხელ ვიხილეთ.
ფედერალისტები სხვა პოლიტიკურ და სამოქალაქო ჯგუფებთან ერთად ვაგროვებთ მონაცემებს ყველა იმ პირის შესახებ ვინც ამ სამარცხვინო კრიმინალურ პროცესშია ჩართული.
რეჟიმის შეცვლამდე ეს მონაცემები მიეწოდება საქართველოს ყველა საერთაშორისო პარტნიორს მათ წინააღმდეგ სავიზო და რაც მთავარია ფინანსური სანქციების დაწესების მიზნით.
რეჟიმის ცვლილების შემდეგ კი ამ პირებს აუცილებლად მოუწევთ თავისუფალი მართლმსაჯულების წინაშე წარდგომა”, – წერს ფეისბუქის საკუთარ გვერდზე გიგა ბოკერია.
