პარლამენტის დიასპორისა და კავკასიის საკითხთა კომიტეტის თავმჯდომარე, ირაკლი ზარქუა პოლიტიკურ შეფასებებს აკეთებს საკანონმდებლო ორგანოში “ქართული ოცნების” მიერ დროებითი საგამოძიებო კომისიის შექმნის საკითხის ინიცირებასთან დაკავშირებით:
“არავის შერჩება ჩვენი ქვეყნის წინააღმდეგ გალაშქრება, მუშაობა და უცხო აგენტურის, უცხო დაკვეთის შესრულება, ჩვენი ხალხისა და ქვეყნის წინააღმდეგ.
რადიკალები, ვინც დღეს ოპოზიციაშია, უმრავლესობა იყო ჩართული ჩვენი ქვეყნის წინააღმდეგ ბრძოლაში. მოყოლებული ჯერ კიდევ 2003 წლიდან, როდესაც ე.წ. რევოლუცია მოხდა და შემდეგ, განსაკუთრებით, 2008 წლის ომი. ეს უნდა შევისწავლოთ, რასთან გვაქვს საქმე! რა მოხდა, შეგვეძლო თუ არა აგვეცილებინა და ვინ იყო ამ ყველაფრის ინიციატორი, მამოძრავებელი? ქართველმა ხალხმა უნდა იცოდეს, ვინ არიან ის ნაძირალები, ვინც ჩვენი ქვეყანა მაშინ ომის პირას მიიყვანა.
რაც მთავარია, გამოძიება იქნება ღია და გამჭვირვალე. ქართველმა ხალხმა, ერთხელ და სამუდამოდ უნდა გაიგოს, რასთან გვქონდა საქმე“, – აცხადებს ირაკლი ზარქუა.
