კორონავირუსზე სწრაფი, აგრესიული ტესტირების თემას ეხმიანება პოლიტიკის ექსპერტი ხათუნა ლაგაზიძე და აღნიშნავს, რომ როცა ამ საკითხზე გიორგი ვაშაძე საუბრობდა, უპირისპირდებოდნენ, არადა მართალი ყოფილა იგი:
“რაც შეიძლება სწრაფი და მრავლისმომცველი აგრესიული ტესტირებაო, თუ გვინდა ვირუსს იქეთ შევუტიოთო – მსოფლიო ჯანდაცვის ორგანიზაცია მოგვიწოდებს! ჩვენებმა კიდე ვირუსს კი არა, გიორგი ვაშაძეს შეუტიეს – ტესტირებას რატომ ითხოვო 🤔 ხომ ყოფილა ეს კაცი მართალი.
მოგეხსენებათ ახლა არც პოლიტიკური ქულების დაწერის და არც პოლიტიკურ ოპონენტებთან ბრძოლის დროა: ყველა გონივრული რჩევა, თუნდაც პოლიტიკური ოპონენტებისგან შესაკრები და მისაღებია!
დღეს ქვეყანა ბეწვის ხიდზე გადის და ნებისმიერ გამოწვდილ ხელს უნდა ჩავეჭიდოთ და ყველა ერთად უნდა გავიდეთ სამშვიდობოს!” – წერს ფეისბუკის პირად გვერდზე ხათუნა ლაგაზიძე.
