მედიაჰოლდინგ “ქრონიკა +”-ის მთავარი რედაქტორი, ელისო კილაძე კონკრეტულ ფაქტებს იხსენებს და რჩევა-თხოვნით მიმართავს ბათუმის პოლიციის უფროსს ირაკლი დგებუაძეს:
“მე ვიცნობ ირაკლი დგებუაძეს (გრიგოლ ბესელიას ბევრად უფრო ადრე ვიცნობდი), ბათუმში ქოლცენტრში რომ შევედი, მისამართზე მოვიდა. განყოფილებაში მისი მანქანით წამიყვანა (ზაქარა დაათრევდა მერე კადრებს), მთელი დღის გატარება მომიწია პოლიციაში, მის გვერდით და ცუდი არაფრის თქმა არ შემიძლია!
ამიტომ, პერსონალურად მივმართავ მას – ირაკლი, მზია ამაღლობელი რომ ციხეში მოკვდეს, მთელი ცხოვრება ვერ მოიშორებ ამ სისხლს (შვილები გყავს თუ არა, არ ვიცი).
ამიტომ, უკან უნდა დაიხიოთ, სიჯიუტეს უნდა გადააბიჯოთ ყველამ და მზიას აღკვეთი ღონისძიება უნდა შეეცვალოს!
ეს სჭირდება ჩვენს ქვეყანას, სისტემას რომელსაც წარმოადგენ და პირადად შენც!
არც სადმე გაიქცევა, არც დანაშაულს ჩაიდენს და ვერც მოწმეებზე მოახდენს ზემოქმედებას!
#თავისუფლებამზიას‼️” – წერს ფეისბუქის პირად გვერდზე ელისო კილაძე.
