“სტრატეგია აღმაშენებლის” გენერალური მდივანი, პაატა მანჯგალაძე ქვეყანაში არსებულ რეალობაზე საუბდობს:
“რომ ვაკვირდები, მწარე იდეოლოგიური “ქოცი” არც ისე ბევრია ქვეყანაში, მაგრამ ადამიანები, ვინც დუმს რადგან თვლის, რომ სჯობს თვალში არავის მოხვდეს და ზედმეტი პრობლემების გარეშე გაართვას თავი ცხოვრებას, საკმაოდ ბევრია.
განა არ იცის და ვერ ხვდება? ხვდება, მაგრამ ეს არის ერთგვარი პოსტტოტალიტარული მონის სინდრომი, რაც დიდწილად ალბათ შთამომავლობითია, სადაც თავისუფლებას თრგუნავს შიში, ხოლო ფასეულობებს – მოთხოვნილებები.
სწორედ იმისთვის, რომ გადავრჩეთ, როგორც თავისუფალი ერი, აუცილებელია გაიმარჯვოს ამ პროტესტმა!
დღეს დუმილი, მონობა, რუსობა ერთია! თავისუფლება რეჟიმის ყველა უკანონო ტყვეს! თავისუფლება საქართველოს!” – განაცხადა პაატა მანჯგალაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს
