რეჟისორი დათა თავაძე სოციალურ ქსელში ემოციურ სტატუსს აქვეყნებს ქვეყანაში არსებულ საპროტესტო მოძრაობასთან დაკავშირებით:
,,უწყვეტი პროტესტის ორი თვე სრულდება!
ჩვენ უკვე ერთმანეთსაც და მთელ მსოფლიოსაც დავანახეთ, რომ შეუძლებელი შეგვიძლია! გნებავთ, “გამორიცხულიც”!
ჩვენი დამორჩილება არ გამოუვიდა და არ გამოუვა არც ერთ ტირანს და მომავალშიც, თუ ვინმეს ამ ქვეყნის მართვა თავისი ორღობესავით მოეპრიანება, გაითვალისწინოს, რომ ჩვენი მორჯულება შეუძლებელია – ჩვენ აღარ ვიწვრთნებით და არ ვიცვლით არც ზნეს და არც ფერს ერთი ვინმეს უეცარი ახირების გამო!
ისევ გავდივართ და ისევ ურყევად ვდგავართ, იმიტომ რომ არც ამ ქვეყანას და არც ჩვენს თანამებრძოლებს არ დაგითმობთ!”, – წერს დათა თავაძე.
ავტორი
ნინი ხიჯაკაძე
