პარტია “სტრატეგია აღმაშენებლის” ლიდერი, გიორგი ვაშაძე ევროსაბჭოს საპარლამენტო ასამბლეაზე იმყოფება, სადაც შეხვედრებია დაგეგმილი, ევროპის სავადასხვა ქვეყნის წარმომადგენლებთან.
დაგეგმილ შეხვედრებსა და განსახილველ თემებთან დაკავშირებით, ოპოზიციონერმა ლიდერმა საზოგადოებისადმი ვიდეომიმართვისას ისაუბრა:
“ვიწყებთ შეხვედრებს სტრასბურგში.
შევხვდებით ეროვნული პარლამენტების წარმომადგენლებს მთელი ევროპის მასშტაბით. გვექნება მოხსენება ალდეს ფრაქციაზე, სადაც ვისაუბრებთ საქართველოში არსებულ უმძიმეს ვითარებაზე – გაყალბებულ არჩევნებზე, ადამიანების პოლიტიკური ნიშნით დაპატიმრებებზე, ცემასა და არაადამიანურ მოპყრობაზე, რასაც ადგილი აქვს “ქართული ოცნების” თვითმარქვია რეჟიმის მხრიდან.
და რაც მთავარია გვექნება მსჯელობები გამოსავალზე – გამოსავალი კი არის პოლიტპატიმრების დაუყოვნებლივი გათავისუფლება და რაც შეიძლება სწრაფად არჩევნების დანიშვნა იმისთვის, რომ ეს უმძიმესი კოლაფსური კრიზისი, სადამდეც მიიყვანა ქვეყანა ივანიშვილმა და “ქართულმა ოცნებამ”, დამშვიდდეს/დაწყნარდეს და საქართველომ გააგრძელოს დემოკრატიული სვლა ევროპული მიმართულებით.
ასე, რომ ძალიან მნიშვნელოვანი დღეებია და ჩვენ თქვენს სათქმელს აუცილებლად მივიტანთ ყველა ქვეყნის წარმომადგენელთან! ✊🇬🇪🇪🇺“, – განაცხადა გიორგი ვაშაძემ.
