კომპანია “ფრესკოს” დამფუძნებელი ვასილ სოფრომაძე “მთავარი არხის” ეთერში, გადაცემა “მთავარ აქცენტებში” ჩართვის დროს ქვეყანაში შექმნილი მდგომარეობის შეფასებას ახდენს და მიაჩნია, რომ არსებული კრიზისისთვის გამკვლავება შეუძლია ისეთ პროფესიონალს, როგორიც გიორგი ვაშაძეა:
“როდესაც მე ვუსმენ გიორგი ვაშაძეს, ვეთანხმები აბსოლუტურად! კრიზისული სიტუაციების მართვის მენეჯერია. ესმის რასაც ამბობს! არავითარი ქულების ჩაწერა აქ არ არის!
რატომ არის ვაშაძე მართალი იცით? დღეს კარანტინში 3 ათასი ადამიანი რომ ჰყავთ, სწრაფი ტესტები რომ ჰქონდეთ რამდენიმე ვარიანტი და შემოწმების შემდეგ, ვისაც კორონავირუსი არ აქვს, რომ გამოუშვან კარანტინიდან, უკეთესი არ იქნება ქვეყნისთვის?” – აღნიშნავს ვასილ სოფრომაძე.
“ფრესკოს” დამფუძნებელი ყურადღებას ამახვილებს ხელისუფლებაში მყოფ სუსტ კადრებზე და მიაჩნია, რომ გამოცდილი, ავტორიტეტული და პროფესიონალი კადრები უნდა მართავდნენ ქვეყანას:
“ქვეყანაში არიან ასეთი კადრები. იგივე გიორგი ვაშაძე. ჩემთვის მნიშვნელობა არ აქვს რომელ პარტიას წარმოადგენს. გიორგი ვაშაძე იმიტომ მომწონს, რომ მან ერთადერთმა, თავისი ანტიკრიზისული თვალით დაინახა პოლიციის ოფიცრები, რომლებმაც ჩაკეტეს ეს კარანტინის რაიონი, არ არიან ეკიპირებულები. სხვამ ვინმემ მიაქცია ყურადღება?” – განაცხადა ვასილ სოფრომაძემ.