,,ჭავჭავაძის კვლევითი ცენტრის” დამფუძნებელი, ზაზა ბიბილაშვილი სოციალურ ქსელში სტატუსს აქვეყნებს, სადაც საუბრობს წინა და ამჟამაინდელი ხელისუფლების პოლიტიკური საქმიანობის შედეგებთან დაკავშირებით:
,,კიდევ ერთი ნიუანსი – წინა ხელისუფლების დროს ძნელად წარმოსადგენი იქნებოდა კრიტიკული ეთერი, სადაც ხელისუფლების წარმომადგენელს არ უტრიალებდნენ გირგვლიანი-ვაზაგაშვილი-რობაქიძის სახელებს. წინა ხელისუფლების დროს კი არა, დღემდე ასეა, როცა არათუ წინა ხელისუფლების რომელიმე მაღალჩინოსანი ან პროპაგანდისტი, არამედ რომელიმე რიგითი მომხრე საუბრობს.
ახლა შევადაროთ დღევანდელს – ივანიშვილის რუსული რეჟიმის პირობებში ბოლოს როდის უხსენეს რეჟიმს რაფალიანცი? თათუხაშვილი? კიწმარიშვილი? ბაჩალიაშვილი? მაჩალიკაშვილი? ლაშქარავა? ამაშია საქმე…
რაც მთავარია, არანაირი განსაკუთრებული ცოდნა ან ტრენინგი ამის გამოსწორებას არ სჭირდება. მონდომებაა საჭირო. მინიმუმ იმის გააზრება, რომ კრიტიკულ არხებზე ბესელიებისა და რუსული რეჟიმის სხვა მოუნანიებელი თანაავტორების გაპიარება ფეხში “ოჩერედის” გასროლის ტოლფასია, რაც არც მორალურადაა გამართლებული და არც – პრაგმატულად (კრიტიკულ არხებს მაყურებელს და სანდოობას აკლებს და მტერს ნარატივს უმყარებს, რაიმე სანაცვლო ხეირის მოტანის გარეშე)”, – წერს ზაზა ბიბილაშვილი.
ავტორი
ნინი ხიჯაკაძე
