“არ ვაპირებ მივიღო რეჟიმის დღის წესრიგი! ვშიმშილობ! სიცოცხლეზე ღირებული არის თავისუფლება“, – წერს გამოცემების “ბათუმელების” და “ნეტგაზეთის” დამფუძნებელი, მზია ამაღლობელი რუსთავის N5 პენიტენციური დაწესებულებიდან გამოგზავნილ წერილში და საზოგადოებას აქტიური პროტესტისკენ მოუწოდებს:
“ჩემ მოცემულობაში ნებისმიერი ის მოქალაქე შეიძლება აღმოჩნდეს, ვისაც დემოკრატიულ, სამართლიან, ევროპულ, რუსული გავლენებისგან თავისუფალ საქართველოში უნდა ცხოვრება.
იბრძოლეთ, სანამ გვიანი არ არის. იბრძოლეთ ყველგან, სადაც არ უნდა იყოთ, ქვეყანაში თუ ქვეყნის გარეთ, სოფელსა თუ ქალაქში, ქუჩებსა თუ აუდიტორებში, საზოგადოებრივ და სამუშაო სივრცეებში.
იყავით მამაცები, გაუფრთხილდით და გააძლიერეთ ერთმანეთი. არ დაუშვათ საქართველოს იზოლირება ცივილიზებული სამყაროსგან“, – წერს მზია ამაღლობელი.
