“ადამიანების მიზანში ამოღება გამოხატვის თავისუფლებისა და ფუნდამენტური უფლებებით სარგებლობის გამო, ძირს უთხრის საქართველოში სამართალს, დემოკრატიასა და კანონის უზენაესობას” – საქართველოში აშშ-ს საელჩო

საქართველოში აშშ-ს საელჩო განცხადებას ავრცელებს იმასთან დაკავშირებით, რომ დიპლომატიური კორპუსი დაესწრება დემონსტრანტების სასამართლო პროცესებს:

“აშშ-ის საელჩოსა და სხვა დიპლომატიური კორპუსის წარმომადგენლები დაესწრნენ საქართველოს იმ მოქალაქეების სასამართლო პროცესებს, რომლებიც დაკავების ან პატიმრობის დროს სავარაუდოდ პოლიციამ სცემა ან მათზე იძალადა.

ადამიანების მიზანში ამოღება გამოხატვის თავისუფლებისა და ფუნდამენტური უფლებებით სარგებლობის გამო, ძირს უთხრის საქართველოში სამართალს, დემოკრატიასა და კანონის უზენაესობას“, – ნათქვამია გავრცელებულ განცხადებაში.

მანამდე კი საელჩოს მიერ გავრცელდა აშს სახელმწიფო დეპარტამენტის სპიკერის, მეთიუ მილერის განცხადება სადაც დაგმობილია ძალადობა დემონსტრანტების, ჟურნალისტებისა და ოპოზიციონერების მიმართ:

“ჩვენ მკაცრად ვგმობთ ძალადობას საქართველოს მშვიდობიანი მოქალაქეების, დემონსტრანტების, ჟურნალისტებისა და ოპოზიციის წარმომადგენლების, მათ შორის საქართველოს ყოფილი პრემიერმინისტრის, გიორგი გახარიას წინააღმდეგ. ეს არის ქართული ოცნების რეპრესიული ტაქტიკის კიდევ ერთი მაგალითი, რომელიც ქვეყანას იზოლაციაში დატოვებს.”