ტელეკომპანია “კავკასიას” გენერალური დირექტორი ნინო ჯანგირაშვილი კონკრეტულ ფაქტებზე მიუთითებს და ერთგვარ მინიშნებებს აკეთებს ქვეყანაში შექმნილ რეალობასთან დაკავშირებით:
“ნუ გვიკვირს ხალხო დაჭერები და ქოცების აგრესია. ერთადერთი ეგ არის, რაც ივანიშვილს ისევ აგრძნობინებს რომ ხელისუფლებაშია. სხვა არანაირი ნიშანწყალი ქოცს აღარ ეტყობა.
ე.წ. მთავრობის სხდომა აღარ ჩაუტარებია კობახიძეს 9 დეკემბრის შემდეგ. ჩახედეთ მთავრობის გვერდს და მოკვდებით სიცილით. აღარ არსებობენ ფაქტიურად. ე.წ. პარლამენტი იატაკქვეშეთშია. საგარეო პოლიტიკას ვეღარ აწარმოებენ, პერიოდულად კობახიძის ჩინეთის ელჩთან შეხვედრას თუ არ ჩავთვლით. შიგნით რასაც აკეთებენ, ე.წ. მთავრობის ფეისბუქ გვერდზეა ჩამოთვლილი, ანუ ვერაფერს. დისფუნქციურია ივანიშვილის ე.წ. ხელისუფლება. ერთადერთი რეპრესიული ნაწილი ფუნქციონირებს და მაგით გვახსენებენ ჩვენც და საკუთარ თავსაც, რომ ისევ არსებობენ.
მოკლედ, ახლო მომავალში ისევ ბევრი დაჭერები და თავდასხმები იქნება. არ გაგვიკვირდეს. ბოლოს რა თქმა უნდა, ჩვენ გავიმარჯვებთ სახელოვნად✌😊“, – წერს ფეისბუქის პირად გვერდზე ნინო ჯანგირაშვილი.
