“ქეთევან ჯაჭვაძემ და იმ პროკურორებმა, რომლებიც გულმოდგინედ თითხნიან ამ სიბინძურეს, აუცილებლად უნდა ამოიკითხონ საკუთარი თავები სანქცირებულთა სიაში” – იგორ ნარმანია

თბილისის საქალაქო სასამართლოში გაიმართა საპროტესტო აქციებზე დაკავებული პირების სასამართლო პროცესი. ,,ერთიანობა – ნაციონალური მოძრაობის” თავმჯდომარის მოადგილე იგორ ნარმანია სოციალურ ქსელში სტატუსს აქვეყნებს და მოსამართლე ქეთევან ჯაჭვაძის გადაწყვეტილებას მწვავე შეფასებებით ეხმაურება:

,,ქეთევან ჯაჭვაძემ და იმ პროკურორებმა, რომლებიც გულმოდგინედ თითხნიან ამ სიბინძურეს და ასრულებენ არალეგიტიმური ხელისუფლების დავალებებს, აუცილებლად უნდა ამოიკითხონ საკუთარი თავები სანქცირებულთა სიაში.

მომავალში, როდესაც ამ ქვეყანას ექნება თავისუფალი სასამართლო, აუცილებლად უნდა აგონ პასუხი იმ სიბინძურეზე რასაც ახლა სჩადიან.

#თავისუფლებარეჟიმისპატიმრებს!”, – წერს იგორ ნარმანია.

ინფორმაციისთვის: მოსამართლე ქეთევან ჯაჭვაძემ არ დააკმაყოფილა დაპატიმრებულების ადვოკატების შუამდგომლობა, დაეთანხმა პროკურორების წინადადებას და 11-ვე განსასჯელი წინასწარ პატიმრობაში დატოვა.

ავტორი
მარიამ ხაჩირაშვილი