“ბიძინა ივანიშვილო, მგონი მხოლოდ თქვენი დათაგვა გამორჩათ. დანარჩენი ცხადზე ცხადია😅” – გიგი უგულავა

,,ერთიანობა- ნაციონალური მოძრაობის” ერთ-ერთი ლიდერი, გიგი უგულავა სოციალურ ქსელში ეხმაურება საქართველოს კათოლიკოს-პატრიარქის საშობაო ეპისტოლეს, კონკრეტული ფრაგმენტის ციტირებას ახდენს და მიაჩნია, რომ იგი “ქართული ოცნების” საპატიო თავმჯდომარეს, ბიძინა ივანიშვილს ეხება:

,,ბიძინა ივანიშვილო, მგონი მხოლოდ თქვენი დათაგვა გამორჩათ. დანარჩენი ცხადზე ცხადია😅

⭕ მონაკვეთი კათოლიკოს-პატრიარქის 2025 წლის საშობაო ეპისტოლედან:

💬 „დაცემული ადამიანის თვისებაა სიკვდილის შიშიც. ამიტომაც ეძებდა და კვლავაც ეძებს იგი სიცოცხლის გახანგრძლივების გზებს, იგონებს სხვადასხვა მეთოდს, რომ შეიქმნას კეთილდღეობის ილუზია, მაგრამ ამაოდ.

ეს ყოველივე უფრო დიდი შეცდომების მიზეზი ხდება და აღრმავებს ჩვენში ისედაც არსებულ სულიერ კრიზისს.

ასეთი პიროვნება ვერ აცნობიერებს, რომ სიკვდილის შიში სინამდვილეში ცოდვებიდან მომდინარეობს, რომ ცოდვას დამონებული სული გაუცნობიერებლად უფრთხის ღმერთთან შეხვედრას და ამიტომაც ძრწის; მაგრამ იმის ნაცვლად, რომ მანკიერებებს განეშოროს და სული განიწმინდოს, ხშირად ნიჰილიზმში ვარდება და ათეიზმს აფარებს თავს (თუმცა ურწმუნოების მიზეზი სხვაც არაერთია).

ასეთი ადამიანებისთვის ცხოვრება პერიოდია დაბადებიდან სიკვდილამდე და სიკვდილთან ერთად მათთვის მთავრდება ყველაფერი. ამიტომაც მიაჩნიათ, რომ ბოროტება, სიკეთე, ფარისევლობა, ერთგულება, შური, სიყვარული, უზნეობა … ჩვეულებრივი ადამიანური გრძნობებია და რაიმე პასუხისმგებლობას არც კონკრეტული პიროვნების და არც ღვთის წინაშე არ გრძობენ, რადგან არ სწამთ იმქვეყნიური ცხოვრების, არ სწამთ მარადიული ფასეულობების“, – წერს გიგი უგულავა სოციალურ ქსელში.

ავტორი
მარიამ ხაჩირაშვილი