3 იანვარს ბანკთაშორისი ვაჭრობის შედეგად, საქართველოს ეროვნულმა ბანკმა ლარის ახალი კურსი დაადგინა უცხოურ ვალუტებთან მიმართებაში, რომელიც ძალაში იქნება 4 იანვრიდან 3 დღის განმავლობაში.
დეკემბრის შუა პერიოდში გამოიკვეთა ლარის გამყარება და სტაბილურობა, თუმცა ბოლო კვირაში სახეზე იყო ეროვნული ვალუტის გაუფასურების მომენტები. კერძოდ, აშშ დოლართან მიმართებაში ბოლო კვირის 3 ვაჭრობის შედეგად განისაზღვრა შემდეგი კურსი კონკრეტული დღეებისთვის:
31 დეკემბერი – 2.8068;
1-3 იანვარი – 2.8138.
მცირედით, მაგრამ ლარი ბოლო ვაჭრობაზეც გაუფასურდა, 0.0020 ლარით და 1 აშშ დოლარი 4 იანვრიდან 3 დღის განმავლობაში 2.8158 ლარი ეღირება.
თითქმის ანალოგიური სიტუაცია იყო ევროსთან მიმართებაშიც, თუმცა ერთდღიანი გაუფასურების შემდეგ, ბოლო ვაჭრობებზე ლარი ისევ გამყარდა. კერძოდ ბოლო კვირის 3 ვაჭრობის შედეგად ლარის შემდეგი კურსი განისაზღვრა კონკრეტული დღეებისთვის და 1 ევრო ღირდა:
31 დეკემბერი – 2.9306;
1-3 იანვარი – 2.9292.
ევროსთან მიმართებაში, ეროვნული ვალუტა ბოლო ვაჭრობაზე საკმაოდ გამყარდა, 0.0337 ლარით და 4 იანვრიდან 3 დღის განმავლობაში 1 ევრო ეღირება 2.8955 ლარი.
ფაქტიურად ანალოგიური სიტუაცია იყო სხვა ქვეყნების ვალუტებთან მიმართებაში. კერძოდ, ცალკეულ ვალუტასთან მიმართებაში, ლარის შემდეგი კურსი დაფიქსირდა (წინა ვაჭრობის კურსთან შედარებით), რაც იქნება 4 იანვრიდან რამდენიმე დღის განმავლობაში:
1 დიდი ბრიტანეთის გირვანქა სტერლინგი – 3.4905 ლარი (გამყარდა 0.0374 ლარით);
1 თურქული ლირა – 0.0796 ლარი (უცვლელი დარჩა);
10 უკრაინული გრივნა – 0.6688 (გამყარდა 0.0005 ლარით);
1 აზერბაიჯანული მანათი – 1.6563 ლარი (გამყარდა 0.0008 ლარით);
1000 სომხური დრამი – 7.0972 ლარი (გამყარდა 0.0103 ლარით);
1 შვეიცარიული ფრანკი – 3.0953 ლარი (გამყარდა 0.0156 ლარით);
10 ჩინური იუანი – 3.8474 ლარი (გამყარდა 0.0075 ლარით);
100 ინდური რუპია – 3.2826 ლარი (გამყარდა 0.0041 ლარით);
10 ისრაელის შეკელი – 7.7016 ლარი (გამყარდა 0.0089 ლარით);
100 იაპონური იენი – 1.7899 ლარი (გამყარდა 0.0043 ლარით).
დეკემბრის შუა პერიოდში ლარის დასტაბილურაბას, ბოლო კვირაში გაუფასურება მოჰყვა რუსულ რუბლთან მიმართებაში. კერძოდ, ბოლო 3 ვაჭრობის შედეგად, კონკრეტული დღეებისთვის, კი 100 რუსულ რუბლთან მიმართებაში შემდეგი კურსი განისაზღვრა:
31 დეკემბერი – 2.5405;
1-3 იანვარი – 2.5838.
ლარი ბოლო ვაჭრობაზე გამყარდა, 0.0641 ლარით და შესაბამისად, 4 იანვრიდან 3 დღის განმავლობაში, 100 რუსული რუბლი ეღირება 2.5197 ლარი.
ლარის კურსი – ადრინდელი მონაცემები
წყარო: საქართველოს ეროვნული ბანკი
