21 დეკემბერი საქართველოს მესამე პრეზიდენტის, მიხეილ სააკაშვილის დაბადების დღეა. მისი მომხრეები და პარტიის ლიდერები “ვივამედის” ეზოში შეიკრიბნენ და დაბადების დღე მიულოცეს იუბილარს.
“ერთიანობა ნაციონალური მოძრაობის” თავმჯდომარემ, თინა ბოკუჩავამ პოლიტიკური შეფასებები გააკეთა მიხეილ სააკაშვილთან დაკავშირებით:
“პრეზიდენტი, რომელმაც გზა გაუხსნა ქვეყანას ევროპისკენ, ევროატლანტიკური სტრუქტურებისკენ, დღეს იდევნება სწორედ იმ უდიდესი რეფორმატორული მიღწევებისთვის, რაც განხორციელდა ვარდების რევოლუციის შემდეგ.
ჩვენ ეს ისტორიული უსამართლობა უნდა დავასრულოთ, ეს ეროვნული სირცხვილი უნდა დავასრულოთ და ქვეყანა უნდა დავაბრუნოთ ევროპული განვითარების გზაზე”, – განაცხადა თინა ბოკუჩავამ.
ინფორმაციას “ერთიანობა ნაციონალური მოძრაობის” პრესსამსახური ავრცელებს
