“აღტაცებული ვარ თავისუფალი ქართული ბიზნესის აქტიურობით” – მიხეილ სააკაშვილი

თავისუფალი ქართული ბიზნესის აქტიურობას, პროტესტს, საერთო განცხადებაზე ხელმოწერებს ეხმიანება საქართველოს მე-3 პრეზიდენტი, მიხეილ სააკაშვილი:

“აღტაცებული ვარ თავისუფალი ქართული ბიზნესის აქტიურობით, ეს არის უპრეცედენტო დონე სამოქალაქო პასუხისმგებლობის.

იმედი მაქვს, რომ ისინი ფინანსურად მხარს დაუჭერენ რეგიონებიდან თბილისში საერთო სახალხო მარშს, ახლა ეს იქნება კრიტიკულად გადამწყვეტი.

დიქტატურა თუ საბოლოოდ დამყარდა, საქართველოში ბიზნესის ადგილი აღარ იქნება და ეს მე მგონი ყველას კარგად ესმის“, – აცხადებს მიხეილ სააკაშვილი.

ინფორმაციისთვის, თავისუფალი ბიზნესების განცხადება:
“არსებული კრიზისი გაცდა პარტიული პოლიტიკის საზღვრებს და გარდაუვალი სოციალური და ეკონომიკური საფრთხის წინაშე აყენებს ქვეყანას. აუცილებელია ვითარების სასწრაფო დეესკალაცია. დეესკალაციის ყველაზე პრაგმატული გზა არის ახალი არჩევნების დანიშვნა და ბოლო პროცესების დროს დაპატიმრებული ადამიანების ახალ წლამდე გათავისუფლება.

ჩვენ, ქართული ბიზნესის წარმომადგენლები, ვართ რა პასუხისგებელნი ქვეყნის ბედზე და მის შეუქცევად განვითარებაზე, განურჩევლად ჩვენი პოლიტიკური პრეფერენციებისა, ხელს ვაწერთ ამ მოწოდებას და განცხადებას“.