შსს-ს თანამშრომელმა გიორგი გოგინაშვილმა 3 დეკემბერს თანამდებობა დატოვა. მის ამ გადაწყვეტილებას, მხარდამჭერი განცხადებით ეხმაურება “სტრატეგია აღმაშენებლის” ლიდერი, გიორგი ვაშაძე:
“სრულ მხარდაჭერას ვუცხადებთ პრინციპულ ადამიანს, გიორგი გოგინაშვილს, რომელმაც პროტესტის ნიშნად დატოვა სამსახური და მოძალადე სისტემაში დარჩენას თავის ხალხთან ერთად დგომა არჩია.
დარწმუნებული ვართ, რომ სისტემაში ბევრი ადამიანია, ვინც მზად არის მსგავსი ნაბიჯი გადადგას. გიორგის გამბედაობა სამაგალითოა, რომელმაც უარი თქვა საკუთარი მოქალაქეების მიმართ სადამსჯელო იარაღად ქცეული პოლიციის სისტემაში სამსახურზე.
ივანიშვილის რეჟიმს უნდა ესმოდეს, რომ ამ ადამიანებს ვერ დააშინებენ და ვერ გატეხენ, რადგან ჩვენი მთავარი ძალა ერთიანობაში და სიმართლეშია.
უკან დახევა დაუშვებელია. ვიბრძვით საქართველოს გამარჯვებამდე!” – გიორგი ვაშაძე.
პოლიტიკური პარტია “სტრატეგია აღმაშენებლის” მედიასთან და საზოგადოებასთან ურთიერთობის სამსახური
ინფორმაციისთვის: სამსახურის დატოვების თაობაზე 3 დეკემბერს განცხადების გაკეთების შემდეგ პატრულ-ინსპექტორი გიორგი გოგინაშვილი გენერალურ ინსპექციაში დაიბარეს, რის თაობაზეც განმარტებები გააკეთა სოციალურ ქსელში:
“გამოვედი, მშვიდობაა. მინისტრს ჯერ ხელი არ მოუწერია ჩემს გათავისუფლებაზე, გამომდინარე აქედან კვლავ თანამშრომლად ვითვლები და სამსახურში რატომ არ დადიხარო ეს იყო მთავარი მიზეზი.
გენინსპექციის თანამშრომელი კანონის ფარგლებში და თავაზიანად დამხვდა, ყველაფერი როგორც საჭიროა ისე გაკეთდა და წამოვედი. დანარჩენი ვნახოთ რა იქნება…
მაქსიმუმ დასკვნით გამომიშვან, რომ ვერასდროს ვეღარ შევძლო სტრუქტურაში მუშაობა. არ მადარდებს“, – აღნიშნავს გიორგი გოგინაშვილი.
