ქვეყანაში შექმნილ რეალობაზე, “ქართული ოცნების” ლეგიტიმაციის პრობლემაზე ამახვილებს ყურადღებას სტრატეგიისა და საერთაშორისო ურთიერთობების კვლევის ფონდის (რონდელის ფონდის) მკვლევარი, აღმოსავლეთმცოდნე, ისტორიის მეცნიერებათა დოქტორი ზურაბ ბატიაშვილი:
“ქოცებს ლეგიტიმაციის ამბავში სერიოზული უკუსვლა აქვთ ბოლო თვენახევარში. თუ 26 ოქტომბრის საპარლამენტო არჩევნები ათიოდე ქვეყანამ მაინც აღიარა, ყაველაშვილის “პრეზიდენტობა” მხოლოდ 4-მა ქვეყანამ ცნო.
ლეგიტიმაცია ახლა კი არა, შუა საუკუნეებშიც კი ძალიან მნიშვნელოვანი იყო და თუ არ გაღიარებდნენ კანონიერ მმართველად, ერთ დღესაც დაგამხობდნენ და არავინ გამოგესარჩლებოდა.
ამათ წიგნები არ აქვთ წაკითხული, მაგრამ ცხოველური ინსტიქტით გრძნობენ ამას. ამიტომაა ისტერიულად რომ დასდევენ ჟურნალისტებს კითხვით, თქვენ თუ გვაღიარებთო?)))
სწორედ ლეგიტიმაციის პრობლემა (როგორც ქვეყნის შიგნით, ისე – საერთაშორისო არენაზე) იქნება ის, რაც მოუღებს კიდეც ამათ ბოლოს“, – წერს ფეისბუქის პირად გვერდზე ზურაბ ბატიაშვილი.
