ქართველი ისტორიკოსი, საქართველოს რესპუბლიკის პირველი მოწვევის უზენაესი საბჭოს წევრი, საქართველოს დამოუკიდებლობის აქტზე ხელმომწერი, ბეჟან ჯავახია სოციალურ ქსელში ეხმაურება ე.წ. ხმოსნების მიერ პრეზიდენტად მიხეილ ყაველკაშვილის არჩევას და მას რუსეთის კანდიდატურად მიიჩნევს:
“ყაველაშვილი არის არა ბიძინას არჩევანი, არამედ ის რუსის კანდიდატურაა, რათა დააკნინოს ქართული სახელმწიფო, ქართველთა თვითშეფასების უნარები.
ბიძინამ და მისმა ბანდამ (ახლა რა სიმღერას არ უნდა მღეროდნენ) 2012 წლის პირველი ოქტომბრიდანვე დაიწყეს, რუსების დავალებით ქართული სახელმწიფოს და მისი ინსტიტუტების სახელის შებღალვა და განადგურება…
დღეს ყველა, ვინც ხმას აძლევს ყაველაშვილს, ის ხმას აძლევს რუსი ოკუპანტი პუტინის პოლიტიკას…
ჩვენ დღეს ვიბრძვით დამოუკიდებლობის შესანარჩუნებლად, ქართული სახელმწიფოს დასაცავად, მის გამოსახსნელად რუსული გავლენისგან, ოკუპირებული ტერიტორიების გასათავისუფლებლად. ამ ბრძოლაში ჩვენი ბუნებრივი მოკავშირეა დასავლეთის დემოკრატიული ძალები…
არასოდეს, ჩვენი ისტორიის გადამწყვეტ პერიოდში, ასე ახლოს არ ვყოფილვართ ევროპასთან და არასოდეს არ ისმოდა ასე მტკიცედ და თანმიმდევრულად ევროპისა და ამერიკის ხმა ქართული სახელმწიფოს მხარდასაჭერად!!!
ღმერთი იყოს ჩვენი მფარველი ამ წმინდა ბრძოლაში.
დიდება ქართულ სახელმწიფოს!
დიდება ღირსეულ ქართველ ერს!“, – წერს ფეისბუქის პირად გვერდზე ბეჟან ჯავახია.
