საქართველოს მთავრობის ყოფილი მეთაური, ნიკა გილაური თავისუფალი ბიზნესის განცხადება-მოწოდებას ეხმაურება:
“მოხარული ვარ რომ ამდენი მხარდამჭერი კომპანია შეუერთდა ბიზნესების განცხადებას.
https://freebusiness.ge/
ჩემი ორი კომპანია, შპს რეფორმატიკსი და შპს აკვაენერჯი, სადაც წარმოვადგენ მმართველ პარტნიორს, შეუერთდა აღნიშნულ ინიციატივას, გვჯერა რა, რომ ვითარების დეესკალაციის ყველაზე პრაგმატული გზა არის ახალი არჩევნების დანიშვნა და ბოლო პროცესების განმავლობაში დაპატიმრებული ადამიანების ახალ წლამდე განთავისუფლება.
მოვუწოდებ ყველა საქართველოში მოღვაწე კომპანიას, ვისთვისაც არა მარტო დასავლური ღირებულებები, ინვესტიციები ან საქმიანი ურთიერთობები არის მნიშვნელოვანი, არამედ მათთვისაც ვისთვისაც საქართველოს სწორი, სწრაფი და ეფექტური ეკონომიკური და სოციალური განვითარება არის მნიშვნელოვანი, შემოურთდეს ბიზნესების დანცხადებას.
კიდევ ერთხელ: ერთიანი ბიზნესის ძალა არის ძალიან ძლიერი!“, – აცხადებს ნიკა გილაური.
ინფორმაციისთვის: “არსებული კრიზისი გაცდა პარტიული პოლიტიკის საზღვრებს და გარდაუვალი სოციალური და ეკონომიკური საფრთხის წინაშე აყენებს ქვეყანას. აუცილებელია ვითარების სასწრაფო დეესკალაცია. დეესკალაციის ყველაზე პრაგმატული გზა არის ახალი არჩევნების დანიშვნა და ბოლო პროცესების დროს დაპატიმრებული ადამიანების ახალ წლამდე გათავისუფლება. ჩვენ, ქართული ბიზნესის წარმომადგენლები, ვართ რა პასუხისგებელნი ქვეყნის ბედზე და მის შეუქცევად განვითარებაზე, განურჩევლად ჩვენი პოლიტიკური პრეფერენციებისა, ხელს ვაწერთ ამ მოწოდებას და განცხადებას“, – ნათქვამია თავისუფალი ბიზნესის განცხადებაში.
