მედიის წარმომადგენლებზე, საპროტესტო აქციების მონაწილეებზე, პოლიტიკოსებზე თავდასხმების ფაქტებს უმძიმეს შეფასებებს აძლევს ქართველი მწერალი და დრამატურგი, ლაშა ბუღაძე:
“როგორ სახიფათოდ მოუტრიალა კისერი მაკა ჩიხლაძეს ივანიშვილის ზონდერმა! უფრო მეტი მოძრაობაც და ტრაგედია გარდაუვალი იქნებოდა. მის ოპერატორ გიორგი შეწირულს თავში ურტყეს.
კობა ხაბაზს ზურგზე დაახტა ბანდიტი და ისიც ბეწვზე გადარჩა, ხერხემალი რომ არ ჩაელეწა. გურამ როგავაც სასწაულით არის გადარჩენილი.
ალექსანდრე ახლაც კომაშია. და უკვე ასობითაა ასეთი შემთხვევით გადარჩენილი ადამიანი. ჯერ მართლა განგება გვშველის, რომ არავინ მომკვდარა. ზღვარზე გავდივართ. და ესენი ნაძვის ხეს დგამენ!” – წერს ლაშა ბუღაძე ფეისბუქის პირად გვერდზე.
