“ყველანი ერთად არა მხოლოდ დიდ გამარჯვებას ვიზეიმებთ, როცა თვითმარქვია ხელისუფლებას გავისტუმრებთ, არამედ ძლიერ, ერთიან და დემოკრატიულ საქართველოს ავაშენებთ!” – გიორგი ვაშაძე

,,ერთიანობა – ნაციონალური მოძრაობის” ერთ-ერთი ლიდერი, ,,სტრატეგია აღმაშენებლის” თავმჯდომარე, გიორგი ვაშაძე აქციის მონაწილეებს ემოციური სიტყვით მიმართავს:

,,ბევრნი მოდიხართ ხოლმე და მეუბნებით – ,,აბა, რას იზამს დასავლეთი?!” ჯერ კითხვა უნდა დავსვათ – ,,რას ვიზამთ ჩვენ?” მერე უნდა დავსვათ კითხვა – ,,რას იზამს დასავლეთი?!” როცა ჩვენ ვიზამთ, მერე დასავლეთიც იზამს.

როცა ჩვენს ბრძოლას დაინახავენ, მერე ყველა ჩვენს გვერდით დადგება; როცა ჩვენს შეუპოვარ სულს ნახავენ, მერე აბსოლუტურად ყველა გაერთიანდება და ჩვენს გვერდით იქნება.

მჯერა, რომ ჩვენ, ყველანი ერთად არა მხოლოდ დიდ გამარჯვებას ვიზეიმებთ, როცა თვითმარქვია ხელისუფლებას გავისტუმრებთ, არამედ ძლიერ, ერთიან და დემოკრატიულ საქართველოს ავაშენებთ!”, – განაცხადა გიორგი ვაშაძემ.

ავტორი
ნინი ხიჯაკაძე