დღეს 11 დეკემბერს, გაერთიანებული ოპოზიცია “ძალა ერთობაშია”-ს საპრეზიდენტო კანდიდატი, გრიგოლ ვაშაძე, გაერთიანების წევრებთან ერთად, იმყოფებოდა ატოცში, სადაც გაეცნო სიტუაციას და მხარდაჭერა გამოუცხადა “ანტისაოკუპაციო მოძრაობა – ძალა ერთობაშიას” აქტივისტებს, რომელთა სერიოზული ძალისხმევით, ამ ეტაპისთვის, შეჩერებულია ოკუპანტების მიერ მავთულხლართების გაბმა.
გრიგოლ ვაშაძის შესაბამისი შეფასება მისცა შექმნილ მდგომარეობას და დააფიქსირა თავისი პოზიცია ატოცში მიმდინარე პროცესებთან დაკავშირებით:
“მივესალმები ყველა ჩვენ თანამემამულეს. ბატონ დავით ქაცარავასთან ერთად ვდგევართ ოკუპაციის ხაზთან და პირველი შემთხვევაა, როდესაც საოკუპაციო ჯარების მხრიდან ბორდერიზაციის პროცესი გააჩერა სამოქალაქო მოძრაობამ. უმორჩილესი თხოვნა მაქვს ყველასთან – თვეში ერთი დღე მაინც გამოყავით, რომ აქ ამოხვიდეთ და დავით ქაცარავასა და მისი მეგობრების მოძრაობას “ძალა ერთობაშია”-ს შევუერთდეთ“.
პრეზიდენტობის კანდიდატი მადლობას უხდის ანტისაოკუპაციო მოძრაობის წევრებს ასეთი შეუპოვრობისთვის და აღნიშნავს, რომ ყოველივე ეს თითოეული ჩვენთაგანის გასაკეთებელია და არა მხოლოდ ამ მებრძოლი სულის მქონე ადამიანების.
“ბრძოლას ყოვეთვის აქვს აზრი, ამის დასტური ატოცია და შეჩერებული ბორდერიზაცია” – აღნიშნა დავით ქაცარავამ
ალექსანდრა გარსევანიშვილი
ატოციდან, სპეციალურად სააგენტო “პარალელისთვის“