20 ოქტომბერს თბილისში გაიმართა მარში ,,საქართველო ირჩევს ევროკავშირს“. 5 სხვადასხვა ლოკაციაზე შეკრებილი საქართველოს მოქალაქეები ემოციური მსვლელობებით თავისუფლების მოედანზე შეიკრიბნენ.
მარშის მონაწილეებს საქართველოსა და ევროკავშირის დროშები, საქართველოს ევროინტეგრაციის მხარდამჭერი ლოზუნგები და პლაკატები ჰქონდათ თან.
მარშის ერთგვარი შემაჯამებელი ღონისძიება, თავისუფლების მოედანზე შედგა. აღნიშნული მსვლელობების მონაწილეებს სიტყვით მიმართა საქართველოს პრეზიდენტმა სალომე ზურაბიშვილმა, რომელმაც განაცხადა ,,მინდა მივმართო ევროპულ თუ ამერიკელ პარტნიორებს, ჩვენ ვიქნებით ისეთი მოკავშირე, რომელიც არც კი დაგსიზმრებიათ“.
მსოფლიო ბანმა, პაატა ბურჭულაძემ თავისუფლების მოედანზე შეკრებილ საზოგადოებას მიმართა, რის შემდეგაც ერთად შეასრულეს საქართველოს ჰიმნი. და ასევე აღსანიშნავია, რომ თავისუფლების მოედანზე შეკრებილებმა ქართულ ენაზე შეასრულეს ევროკავშირის ჰიმნი.
თავისუფლების მოედანზე დაგეგმილ კონცერტზე კი მონაწილეობა მიიღეს მუსიკოსებმა: ჯგუფმა „ყველა“-მ, LOUDSPEAKERS-მა, ნიაზ დიასამიძემ, „გამოუვალი მდგომარეობამ“, ბექა გოჩიაშვილიმა და თემურიკო დიასამიძემ, ნინო ქათამაძემ, ჯგუფი „ინსაითი“ და ნიკოლოზ რაჭველმა.
აღსანიშნავია, რომ საპროტესტო აქციების რიცხოვნობის ე.წ. მთვლელების მიერ, აღნიშნულ აქციაში მონაწილეების დასახელებული რიცხვი 100 ათასის ფარგლებში განისაზღვრა.
ავტორი
ლიკა ჭოჭუა
