“მიდი, სალომე, მიდი! მოძებნე შენ თავში ძალა და თქვი, რომ თავიდანვე ასეთი იყო ბიძინა რუსი” – ზაზა ბიბილაშვილი

,,ჭავჭავაძის კვლევითი ცენტრის” დამფუძნებელი, ზაზა ბიბილაშვილი სოციალურ ქსელში სტატუსს აქვეყნებს, სადაც საუბრობს პრეიდენტ სალომე ზურაბიშვილის განცხადებაზე:

,,მიდი, სალომე, მიდი! შენ ეს შეგიძლია. მოძებნე შენ თავში ძალა და თქვი, რომ თავიდანვე ასეთი იყო ბიძინა რუსი. ამას რომ იზამ, მერე ბოდიში მოიხადე, რომ საქართველოს ომის დაწყებას აბრალებდი და ეს არასდროს გადაგითქვამს.

ბარემ გარეჯის სპეცოპერაციისთვისაც მოიხადე ბოდიში, რუსული რეჟიმის პოლიტპატიმრები შეიწყალე და ფსბ-ს ოფიცრების პოლიტპატიმრებად შემრაცხავი ბესელია გაუშვი აღსარებაზე.

მერე დავსხდეთ და ვილაპარაკოთ პრემიერობის კანდიდატებზე. “შეიცვალა” არა ლეღვი!”, – წერს ზაზა ბიბილაშვილი.

ინფორმაციისთვის: საქართველოს პრეზიდენტმა, სალომე ზურაბიშვილმა განცხადება გააკეთა, სადაც აღნიშნა, რომ ,,დასავლეთ ლიდერებს აქვთ კითხვები, როგორ შეიცვალა 2012 წელს მოსულო ხელისუფლება ისე, რომ მოსკოვის მუსიკაზე უკრავს და ცეკვავს”.

ავტორი
ნინი ხიჯაკაძე