“წლების წინ კესარია იყო სტუმრად ”სიმართლის დროში” – ამაზე სამარცხვინო და საზიზღარი გადაცემა, ალბათ, არც არასოდეს წამიყვანია” – ნანკა კალატოზიშვილი

მსახიობი, ნანკა კალატოზიშვილი სოციალურ ქსელში ემოციურ სტატუსს აქვეყნებს, სადაც სინანულით იხსენებს გადაცემა ,,სიმართლის დროში” კესარია აბრამიძის სტუმრობას:

,,წლების წინ კესარია იყო სტუმრად ”სიმართლის დროში”. ამაზე სამარცხვინო და საზიზღარი გადაცემა, ალბათ, არც არასოდეს წამიყვანია. იმ დღესვე ბოდიში მოვუხადე და იმ დღიდან დავიწყეთ მეგობრობა.

დღესაც სახალხოდ გიხდი ბოდიშს, ამ გულისამრევი გადაცემისთვის. და თუ რამე ვისწავლს იმ დღეს, არასდროს უღალატო საკუთარ თავს, საკუთარ პრინციპებს.

იმდენად ამაზრზენი ვიყავი, ყურში ჩაძახილის გამეორებით და რასაც და როგორც გეკითხებოდი, ამდენი წლის მერეც ვერ ვინელებ ამ ყველაფერს.

მიყვარხარ და, ალბათ, ვერც ვერასოდეს ვაპატიებ ჩემს თავს მიუხედავად იმისა, რომ შენ იმ დღესვე მაპატიე”, – წერს ნანკა კალატოზიშვილი

ავტორი
ნინი ხიჯაკაძე