“ივანიშვილი არის ყოველმხრივ კორუმპირებული, დანაშაულებრივი ბიოგრაფიის და მოღვაწეობის მქონე ადამიანი და ამიტომაც მისი სანქცირება არის ბუნებრივი” – ირაკლი ფავლენიშვილი

,,ერთიანობა – ნაციონალური მოძრაობის” ერთ-ერთი ლიდერი, ირაკლი ფავლენიშვილი სააგენტო ,,პარალელთან” ინტერვიუში საუბრობს ,,ქართული ოცნების” წევრებისა და ბიძინა ივანიშვილის სანქცირებასთან დაკავშირებით:

• აშშ-მ საქართველოს კიდევ 64 მოქალაქე დაასანქცირა, მათ შორის, ფინანსური სანქციებიცაა და მწვავე განცხადებებიც გავრცელდა, საუბრებია ბიძინა ივანიშვილის დასანქცირებაზეც, მწვავე განცხადებებია ევროკავშირის მხრიდანაც. როგორ შეაფასებდით ყოველივე აღნიშნულს და თქვენი აზრით რა მიზანს ემსახურება ბიძინა ივანიშვილის მიერ გაკეთებული განცხადებები?

– ამერიკისა და ზოგადად ჩვენი საერთაშორისო პარტნიორების მხრიდან დაწყებული არის თანმიმდევრული პროცესი, კორუმპირებული, დანაშაულებრივი რეჟიმის სანქცირების, რაც, ერთი მხრივ ჩვენთვის, ქართველებისთვის არ გახლავთ გასახარი, რადგან ნამდვილად არ არის სასურველი, რომ გვყავდეს სანქცირებული, იზოლირებული ხელისუფლება. იმედს გვაძლევს ის, რომ, რა თქმა უნდა, დარწმუნებული ვართ, რომ 26 ოქტომბერს ქართველი ხალხი გაიმარჯვებს.

ასეთი რეჟიმის პირობებში ცხოვრება ნიშნავს სრულ იზოლაციას, სიღარიბეს და დასავლური, არა მხოლოდ შენი ქვეყნის საბანკო სისტემიდან ჩახსნას, არამედ ზოგადად ცივილიზაციისგან შენი ქვეყნის ჩახსნას, რაც ყველაზე მძიმე არის ქართული სახელმწიფოსთვის და ისტორიულადაც ასე იყო, რომ ყველაზე მძიმე პერიოდი გვედგა მაშინ, როდესაც იზოლირებულები, ცივილიზაციას მოწყვეტილები და დანაწევრებულები ვიყავით, იგივეს უქადის ივანიშვილი.

რატომ ხდება სანქცირება?! იმიტომ, რომ ეს ადამიანი ერთის მხრივ არის ჩართული ადამიანის უფლებების უხეში დარღვევაში და მეორე არის ისეთ სქემებში მონაწილეობის მიღება ეკონომიკურ თუ სანქციების არიდების სქემებში, რომლებიც დაკავშირებულები არიან კორუფციასთან ზოგადად და კორიფციული დანაშაულებრივი საქმიანობა და დიდძალი თანხის მობილიზება, რაც ჩვენ ვნახეთ ,,ქართული ოცნების” კავშირში ქოლ-ცენტრებთან დაკავშირებით, ჰელსინკის კომისიის დასკვნაში, ვნახეთ ასევე სხვა ფაქტები.

ივანიშვილი არის ყოველმხრივ კორუმპირებული, დანაშაულებრივი ბიოგრაფიის და მოღვაწეობის მქონე ადამიანი და ამიტომაც მისი სანქცირება არის ბუნებრივი და ამ სანქცირებული, კეთროვან პოლიტიკური კლანისგან უნდა გავთავისუფლდეთ.

ავტორი
მარიამ ხაჩირაშვილი