იურისტი, სამოქალაქო აქტივისტი ბაჩანა შენგელია გიორგი გახარიასა და მამუკა ხაზარაძის შეხვედრებს ეხმიანება, რა დროსაც მათი პარტიების ერთ გაერთიანებად, ერთ საარჩევნო სუბიექტად ჩამოყალიბების საკითხები განიხილებოდს:
“რა სარგებელი შეიძლება მოიტანოს გაერთიანებამ, რომელზეც დარწმუნებული ვარ დიდი მორალური დილემა აქვს ლელოს წევრების უმეტესობას (ნუ, იმედი მაქვს უმეტესობას). ან რა აბსურდული არგუმენტაციაა, ესენი მერე თითქოს გადაასწრებენ ნაცმოძრაობასო. ჯერ ერთი ვერ გადაასწრებენ და მერე მეორე, რომ გადაასწრონ ამით რა ხდება? გარანტირებულად ვცვლით ხელისუფლებას? ანუ თუ მიზანი მხოლოდ ნაცმოძრაობის გადასწრებაა, ამდენ ,,პარტიაგაერთიანებაშეკოკიწებული” ერთობით, ამომრჩეველს ამით რა ხეირი აქვს? ერთმანეთს ეჯიბრებით ოპოზიცია? ბიძინას დამარცხება გინდათ თუ მიშასი?
გაერთიანება თუ არ არის იდელოგიური, ან ღირებულებითი, როგორ შეიძლება ამან სინერგია მოიტანოს? ერთის მიერ თაღლითად წოდებული, ანაკლიის დამანგრევლად და თვალთხარიად წოდებულ მეორეს თუ შეუერთდა, გარეთ ყველა იჯერებს, რომ ერთობა რეალურია? ნაცმოძრაობისთვის გადასწრების მიზანი ამართლებს ამ საშუალებას?
ჩემი აზრით თუ ვინმეს არ უნდა აწყობდეს ეს ერთობა, არის ლელო, რადგან მგონია ბევრ ხმას დაკარგავს და რამდენიმე გამსვლელ ადგილსაც აუცილებლად, ვგულშემატკივრობ და ეს ფაქტი მაწუხებს. მაწუხებს, რადგან ბევრი კარგი ადამიანია იქ, ოღონდ თუ დადებითად გადაწყვიტეს გაერთიანების საკითხი და მორალური დილემა გადალახეს, ეს განწყობა ცხადია შემეცვლება“, – წერს ფეისბუქის პირად გვერდზე ბაჩანა შენგელია.
