“ეს ხელისუფლება უნდა შეიცვალოს, თორემ არ გვექნება ქვეყანა!” – გოგი წულაია

სტრასბურგში ემიგრანტებმა აქცია გამართეს, სადაც სიტყვით გამოვიდა პარტია ,,ახალი ქრისტიან-დემოკრატების” თავმჯდომარე, ამჟამად ემიგრაციაში მყოფი, გოგი წულაია და ემიგრანტებს მოუწოდა, რომ მაქსიმალურად ჩაერთონ 26 ოქტომბრის არჩევნებში:

,,ბიძინა ივანიშვილმა არჩევნები მოიგო ემიგრანტების ხარჯზე. ძალიან კარგად ჰქონდა ყველა ხმა დათვლილი საქართველოში, მაგრამ არ ელოდა ამ რაოდენობის ემიგრანტების ჩასვლას. ამით მოიგო ბიძინა ივანიშვილმა.

ბიძინა ივანიშვილმა ძალიან კარგად იცის, რომ ყველაზე დიდი ძალა ამ წუთას არის ჩვენში [ემიგრანტებში] და ყველაფერს გააკეთებს, რომ არჩევნებში მონაწილეობა არ მიგვაღებინოს, მაგრამ ჩვენც ყველაფერი უნდა გავაკეთოთ, იმისათვის, რომ არჩევნებში მონაწილეობა მივიღოთ და ამ სატანას ხელიდან გამოვტაცოთ ქვეყანა.

გუშინდელი სიტყვების მერე, რომ ბოდიში და თურმე მუხლებზე უნდა ვეახლოთ და ამ სიტყვების შემდეგ, თუ რომელიმე ქართველი იმას ვერ ხვდება, რომ ეს შესაცვლელია, ნუ არ ვიცი…

ჩვენ ყველა დარწმუნებული ვართ, ვინც აქ ვართ, რომ ეს ხელისუფლება უნდა შეიცვალოს აუცილებლად, თორემ არ გვექნება ქვეყანა!”, – განაცხადა გოგი წულაიამ.

ავტორი
ნინი ხიჯაკაძე