“ჩემს ქალაქში, ქობულეთში გავიცანი ახალგაზრდები, რომლებიც აუცილებლად დაიკავებენ მნიშვნელოვან ადგილს პოლიტიკურ ასპარეზზე და მათთვის აუცილებლად გავაკეთებ ყველაფერს” – თედო ზოიძე

მოძრაობა ,,აირჩიე ევროპას’’ წევრი, თედო ზოიძე, სააგენტო ,,პარალელთან” ინტერვიუში საუბრობს საარჩევნო პროცესში ახალგაზრდების მნიშვნელოვან როლთან დაკავშირებით:

,,ისე, როგორც არასდროს, 2024 წლის გადამწყვეტ არჩევნებში ახალგაზრდების როლი და ჩართულობა ამ პროცესში არის უმნიშვნელოვანესი. წელს 200 000 ახალგაზრდა პირველად მიდის არჩევნებზე და ვთვლი, რომ მათ განსაკუთრებული როლი აქვთ.

ვხედავთ, რომ ისე, როგორც არასდროს ახალგაზრდები ჩართული არიან წინასაარჩევნო პროცესში, რეგისტრირდებიან დამკვირვებლებად და ემზადებიან არჩევნებისთვის.

ჩემს ქალაქში, ქობულეთში გავიცანი ახალგაზრდები, რომლებიც აუცილებლად დაიკავებენ მნიშვნელოვან ადგილს პოლიტიკურ ასპარეზზე და მათთვის აუცილებლად გავაკეთებ ყველაფერს.

ისინი აქტიურად არიან ჩართულები საარჩევნო პროცესში და ქვეყნის ევროპული მომავალისთვის არ იშურებენ ენერგიას.

მიმაჩნია, რომ ახალგაზრდები არჩევნებზეც და შემდგომშიც იტყვიან თავის სათქმელს და დაიკავენებ შესაბამის ადგილებს პოლიტიკურ პროცესებში’’, – განაცხადა თედო ზოიძემ.

ავტორი
მარიამ ხაჩირაშვილი