განათლების სამინისტროში მიმდინარე განუკითხაობაზე საუბრობს, სოციალურ ქსელში გამოქვეყნებულ პოსტში, “სტრატეგია აღმაშენებლის” პოლიტიკური საბჭოს წევრი განათლების მიმართულების ხელმძღვანელი, ნანა ტოხვაძე და კონკრეტულ ფაქტზე ამახვილებს ყურადღებას:
“სისტემის მორიგი მსხვერპლი ნოქალაქევის საჯარო სკოლის დირექტორი, შორენა შამათავა პოლიტიკური ნიშნით გაათავისუფლეს! დიახ, განათლების სისტემის პოლიტიზება და საარჩევნო მიზნებისათვის გამოყენება არახალია, მაგრამ 12 წლის განმავლობაში განათლების მიზნების განადგურება და თაობების გაწირვა გაუნათლებლობისთვის დღევანდელ ხელისუფლებაზე უკეთ არავის გამოსვლია!
ეს ცეცხლია უკვამლოდ, რომელიც ათწლეულებით უკან დახევას უქადის საქართველოს! კიდევ არის შეკითხვები თუ რატომ შექმნა ხელისუფლებამ “მართვადი ქაოსი” განათლებაში?! თავისუფალი, კრიტიკულად მოაზროვნე მოქალაქე პირდაპირი საფრთხეა ავტორიტარული რეჟიმებისთვის!
🇬🇪🤝🇪🇺🇺🇸 26 ოქტომბერს ხალხის პასუხი იქნება მკაცრი და ცალსახა ძალაუფლებას ჩაბღაუჭებული ფარისევლებს მიმართ, რომლებიც ანგრევენ ქვეყნის განვითარების და ევროპული მომავლის შანსს!
სკოლას შველა სჭირდება!
კი ევროპას, არა რუსულ რეჟიმს!“, – წერს ნანა ტოხვაძე ფეისბუქის პირად გვერდზე.
