საქართველოს მთავრობის ორი მინისტრის, რეგლამენტის მოთხოვნის მიუხედავად, პარლამენში არგამოცხადებამ სერიოზული კრიტიკა გამოიწვია ხელისუფლების ოპონენტების მხრიდან და საპარლამენტო ოპოზიცია აპირებს იმპიჩმენტის პროცედურების დაწყებას. აღნიშნულ საკითხთან დაკავშირებით თავის პოზიციას აფიქსირებს პარლამენტის პირველი ვიცე-სპიკერი გია ვოლსკი:
“ორაზროვნება რა თქმა უნდა არსებობ, მაგრამ მაინც პოლიტიკურად შეფუთულია განცხადებები, რომელსაც აკეტებენ არასამთავრობოები. არ შეიძლება, რომ 2 დღის შემდეგ კომიტეტში იბარებდეს კონკრეტული ფრაქცია, თუმცა რეგლამენტით ეს გათვალისწინებულია. ნებისმიერი რეგლამენტის და ნებისმიერ წესის იქით, არსებობს კიდევ ჯენლტმენური შეთანხმების ან ლოგიკის გარკვეული პრინციპები. მაგრამ ამ შემთხვევაში, როდესაც პოლიტიკური ვითარება ესოდენ მწვავეა, ეს ლოგიკა იკარგება. მე ვფიქრობ, რომ რეგლამენტი არავითარ შემთხვევაში არ უნდა დაირღვეს, მაგრამ თუკი შემოთავაზება ჭკვიანურია და ქვეყანას გამოადგება, მაშინ ამ შემთხვევაში შეიძლება, რომ კომიტეტმა მიიღოს შესაბამისი გადაწყვეტილება,” – განაცხადა გია ვოლსკიმ.