“ერთიანობა – ნაციონალური მოძრაობის” ლიდერები ფერისცვალების დღესასწაულთან დაკავშირებით წალენჯიხაში ჩავიდნენ. წალენჯიხის ფერისცვალების ეკლესიის მნიშვნელობიდან გამომდინარე პოლიტიკური შეფასებები გააკეთა გაერთიანების ერთ-ერთმა ლიდერმა, სერგო ჩიხლაძემ:
“ფერისცვალებას გილოცავთ, წალენჯიხის ფერისცვალების ეკლესიიდან. ისტორიის 1000 წელი დგას ჩემს უკან. ეს ტაძარი არის ნათელი მაგალითი იმისა, თუ რა სიყვარულით აშენებდნენ ამ ტაძარს, რა სიყვარული ჰქონდათ ერთმანეთის და რა სიყვარული ჰქონდათ ჩვენი ქვეყნის.
ეს არის ჩვენთვის მაგალითი და გამოწვევაც, რომ ასეთივე სიყვარულით, ერთმანეთის გვერდში დგომით გვეშენებინოს ეს ქვეყანა.
დარწმუნებული ვარ ოქტომბრიდან დაიწყება ხანა, როდესაც სიყვარულით, ერთმანეთის სიყვარულით, გვერდში დგომით, ერთიანობით და სამშობლოს სიყვარულით ავაშენებთ ძალიან მაგარ ქვეყანას”, – განაცხადა სერგო ჩიხლაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
