“საჭიროა დაუყოვნებლივი სანქცირება პირადად ბიძინა ივანიშვილზე და მისი ოჯახის წევრებზე” – შალვა ნათელაშვილი

,,ლეიბორისტული პარტიის” თავმჯდომარე, შალვა ნათელაშვილი საგანგები ბრიფინგზე განცხადებას აკეთებას ,,ქართული ოცნების” დამფუძნებლისა და საპატიო თავმჯდომარის, ბიძინა ივანიშვილის სანქცირების საკითხთან დაკავშირებით:

,,ჩვენ გავუშვით მიმართვა აშშ-ის პრეზიდენტთან, კონგრესთან და სახელმწიფო დეპარტამენტში იმის თაობაზე, რომ სანქცირება, რაც უდიდესი თანადგომაა ქართველი ხალხისათვის, გაგრძელდეს და დაგვირგვინდეს პირადად ბიძინა ივანიშვილით და არა პირველ ეტაპზე, მისი გარემოცვით.

რეჟიმის სათავე უნდა დაინგრეს და მერე ჩამოიშლება ეს დანაშაულებრივი სისტემა. აღნიშნული რომ მოხდეს, საჭიროა დაუყოვნებლივი სანქცირება პირადად ბიძინა ივანიშვილზე და მისი ოჯახის წევრებზე.

მათი ქონება მარტო მოსკოვში არ არის და მოსკოვში რომ იქნებოდა, ალბათ, არავის გვიკვირს, რაიმე სიახლე არ არის. ივანიშვილის, ჩვენგან მოპარული, ქონება განფენილია მთელ მსოფლიოში – კალიფორნიაში, ბრაზილიაში, სამხრეთ კორეაში, ჰონგ-კონგში, სინგაპურში, ნიუ-იორკში, ფლორიდაში, პარიზში, ხმელთაშუა ზღვის საუკეთესო კუნძულებზე, ოფშორებში… ამას ყველაფერს სჭირდება მომენტალური დასანქცირება აშშ-დან, ამის ლოდინი არ შეიძლება. ჩვენ თუ დავტოვებთ პირადი სანქცირების გარეშე არჩევნებამდე რეჟიმის შემოქმედს და დანაშაულებრივი სისტემის ავტორს, ბიძინა ივანიშვილს, მაშინ შედეგები იქნება არც თუ სასიამოვნო”, – განაცხადა შალვა ნათელაშვილმა.

ავტორი
ნინი ხიჯაკაძე