„მიხეილ საააკაშვილი ქართველ ხალხთან ერთად აუცილებლად იზეიმებს რუსული რეჟიმის დამარცხებას“, – განაცხადა ერთიანი ნაციონალური მოძრაობის გენერალური მდივნის მოადგილემ ირაკლი ფავლენიშვილმა.
„ერთიანი ნაციონალური მოძრაობის“ გენერალური მდივნის მოადგილემ, ირაკლი ფავლენიშვილმა მიხეილ სააკაშვილის სასამართლო გადაწყვეტილებასთან დაკავშირებით ბრიფინგი გამართა:
„ივანიშვილის სანქცირებულმა სასამართლო კლანმა პატიმრობა შეუფარდა საქართველოს პრეზიდენტს, მიხეილ სააკაშვილს იმის გამო, რომ საქართველოს პრეზიდენტი საკუთარ სამშობლოს ტერიტორიაზე შემოვიდა.
მიხეილ სააკაშვილი არის ადამიანი, რომელმაც ეს ქვეყანა შეუმდგარი სახელმწიფოდან აქცია ევროპულ სახელმწიფოდ, რომელიც იყო მისაბაძი თავისი განვითარების ტემპებით. არის ადამიანი, რომელზეც არა მხოლოდ საქართველოში, არამედ მთელი ევროპის მასშტაბით არის ლიდერი თავისუფლების ბრძოლის დიდი ტალღის, რომელიც აუცილებლად დასრულდება პუტინის და მისი სატელიტების დამარცხებით.
მისი ციხეში გამოკეტვის მიზეზი, მისი შეწყალების პრევენციის მიზეზი არის ის, რომ მიხეილ სააკაშვილი არის გამარჯვების ფორმულა ქართველ ხალხთან ერთად ამ ანტიქართული რეჟიმი წინააღმდეგ ბრძოლაში.
მე ვპირდები ივანიშვილს და მის ბანდას, მიუხედავად იმისა, რომ თანასწორად და სამართლიანად ვერ აღიქმება გარემო, როდესაც მთავარი ოპოზიციონერი გაუგონარი ბრალდებებით არის ციხეში, მიუხედავად ამისა, „ერთიანობა – ნაციონალური მოძრაობა“ ქართველ ხალხთან ერთად აუცილებლად გაიმარჯვებს და მიხეილ სააკაშვილი ქართველ ხალხთან ერთად იზეიმებს ოქტომბრის მიწურულს ქართველი ხალხის გამარჯვებას, ანტიქართული რეჟიმის დამარცხებას და დაიწყება აღმშენებლობის კიდევ ერთი ძალიან მნიშვნელოვანი პერიოდი ჩვენი ქვეყნის ისტორიაში“, – განაცხადა ირაკლი ფავლენიშვილმა.
ინფორმაციას “ერთიანი ნაციონალური მოძრაობის” პრესცენტრი ავრცელებს
