“ყველა ქალაქში, რომ გახსნას ქართულმა სახელმწიფომ და ხელისუფლებამ საკონსულო, ამას დასჭირდება საქართველოს მთელი ბიუჯეტი” – ბექა ოდიშარია

პარლამენტის დიასპორისა და კავკასიის საკითხთა კომიტეტის თავმჯდომარე, ბექა ოდიშარია ჟურნალისტებთან კომენტარს აკეთებს ემიგრანტების საზღვარგარეთ საარჩევნო უბნების გახსნასთან დაკავშირებით:

,,ყველა იმ ქალაქში, სადაც 50, და სინამდვილეში ცოტა მეტი უნდა იყოს რაოდენობა, გაცილებით მეტი, რომ გახსნას ქართულმა სახელმწიფომ და ხელისუფლებამ საკონსულო, ამას დასჭირდება საქართველოს მთელი ბიუჯეტი. იმიტომ, რომ მსოფლიოში 53 ქვეყანაში მინიმუმ 2000 ქალაქში არის ასეთი რაოდენობა ადამიანების.

ასევე, უნდა გაითვალისწინოთ, ადგილსამყოფელი, ქვეყნები – არ არიან ყველანი ასე ღიანი და ტრანსფარენტულები ამ პროცესების მიმართ. სულაც არ სიამოვნებთ, რომ ემიგრანტებმა იაქტიურონ მათ ქვეყნებში.

თქვენ იცით, რომ ძალიან ბევრ ქვეყანაში იწვევს ეს პროტესტებს”, – განაცხადა ბექა ოდიშარიამ.

ავტორი
ნინი ხიჯაკაძე