პარტიის ,,გირჩი – მეტი თავისუფლება” თავმჯდომარე, ზურაბ ჯაფარიძე საგანგებო ბრიფინგზე განცხადებას აკეთებს ემიგრანტების ჩართულობაზე 2024 წლის საპარლამენტო არჩევნებისთვის:
,,90-ზე მეტ ქალაქში გროვდება უკვე ხელმოწერები და დაახლოებით 40-მდე ქალაქი არის, სადაც შეგროვდა 50-ზე მეტი ხელმოწერა და გადაგზავნილია საგარეო საქმეთა სამინისტროsa და ცესკოში.
ყველა ხელმოწერილ დოკუმენტს ყველა ქალაქიდან, ემიგრანტებმა რაც შეაგროვეს, დღესვე, მათ შორის, რაღაც ნაწილს გადავუგზავნით სადამკვირვებლო მისიას, NDI-ის დასამკვირვებლო მისიასთან გვაქვს შეხვედრა. გავუგზავნით ყველა სადამკვირვებლო ორგანიზაციას, რომელიც საქართველოში დააკვირდება არჩევნებს.
საბოლოო ჯამში, ის ფაქტი, რომ დღევანდელი ხელისუფლება ასობით ათას საქართველოს მოქალაქეს საზღვარგარეთ არ უმარტივებს არჩევნებში მონაწილეობის მიღების შესაძლებლობას და ტოვებს მათ, რეალურად, ხმის მიცემის უფლების გარეშე, ეს აუცილებლად აისახება სადამკვირვებლო მისიების ანგარიშებში”, – განაცხადა ზურაბ ჯაფარიძემ.
