,,ერთიანობის” ლიდერი გიორგი ვაშაძე, ჟურნალისტებთან კომენტარს აკეთებს არჩევნების და ერთიანობის შესახებ:
,,ჩვენ ჩამოვაყალიბეთ გაერთიანება ბლოკი ,,ერთიანობა”, რომელშიც არის ,,ნაციონალურ მოძრაობა”, ,,სტრატეგია აღმაშენებელი” და ძალიან საინტერესო ახალი ადამიანები, კიდევ ბევრი შემოვა და ჩვენი ამოცანა არის შევცვალოთ ხელისუფლება, 26 ოქტომბერს გაიმარჯვოს ევროკავშირმა რუსეთისკენ მისწრაფებებზე, ერთიანობამ – დაპირისპირებაზე, ძლიერმა საქართველომ – სუსტ დაჩაჩანაკებულ საქართველოზე, ემიგრანტების დაბრუნებამ – ქვეყნიდან ადამიანების წასვლაზე, დემოგრაფიულმა წინსვლამ – დემოგრაფიულ კატასტროფაზე.
ეს არის ჩვენი ამოცანა და დარწმუნებული ვარ, რომ ამ ,,ერთიანობის” იდეით მივალთ ყველა ოჯახში და ავანთებთ იმ ძლიერ ცეცხლს, რომელიც საბოლოო ჯამში გააერთიანებს საქართველოს.
რაც შეეხება სხვებს, ეს მათი საქმეა, ჩვენ ვერ ჩავერევით მათ საკითხებში, ყველასთვის გზა დაგვილოცია, ,,ქართული ოცნების” გარდა, რომელსაც რუსეთისკენ მიყავს საქართველო, ჩვენ კი გვინდა ევროკავშირის წევრები ვიყოთ!“,- განაცხადა გიორგი ვაშაძემ.
ავტორი
ლიკა ჭოჭუა
