სტრატეგია „აღმაშენებლის“ ფარგლებში „ახალი საქართველოს“ თავმჯდომარე გიორგი ვაშაძე, ქუთაისში ადგილობრივ მეწარმეებს შეხვდა, სადაც უშუალოდ გაეცნო ამ მიმართულებით არსებულ პრობლემებს. ვაშაძის განცხადებით სახელმწიფომ თავისი ფუნქცია უნდა შეასრულოს – ლოჯისტიკის მოწესრიგება უნდა მოხდეს და გასაღების ბაზარზე მეწარმეებისთვის დახმარება:
„ჩვენ გვაქვს ძალიან კონკრეტული გეგმა სოფლის მეურნეობის განვითარების. მთავარი არის სახელმწიფომ თავისი ფუნქცია შეასრულოს და სოფლის მეურნეობას გზა გაუკვალოს, იმისთვის რომ ახალი ბაზრების ათვისება მოხდეს.
ევროპასთან ასოცირებას ხელი არ მოგვიწერია უბრალოდ ფორმალობისთვის, ამით მეწარმეებმა უნდა ისარგებლონ. ჩვენ სოფელში განვითარების ამ კერას გავაჩენთ, სწორედ აქედან მოდის ქვეყნის სიძლიერე.
ჩვენ ვიმყოფებით სოფელ ტყაჩირში და გარშემო რაიონები დაიცალა ხალხისგან მარტივი მიზეზის გამო – ვერ ხედავენ განვითარების შესაძლებლობას ადგილზე. გვაქვს პოტენციალი, რომელიც უნდა გამოყენოთ.
სახელმწიფო უნდა ჩაერიოს, ფინანსური მხარდაჭერა არავის არ უთხოვია ერთადერთი, რაც თქვეს, რომ მოწესრიგდეს ლოჯისტიკა და გასაღების ბაზრებზე მოხდეს სახელმწიფოს მხრიდან დახმარება. ძალიან დიდი პოტენციალია, რომელსაც რეალიზება სჭირდება,“ – განაცხადა გიორგი ვაშაძემ.
ავტორი
ბეჟან ბერულავა
