,,სტრატეგია აღმაშენებლის” თავმჯდომარე, გიორგი ვაშაძე პოლიტიკური პლატფორმა “ერთიანობა საქართველოს გადარჩენისთვის” პრეზენტაციაზე სიტყვით გამოსვლისას საუბრობს ახალი გაერთიანების დაფუძნების მიზანსა და პოლიტიკურ გეგმებზე:
,,მოგესალმებით, პირველ რიგში დიდი მადლობა რომ ამდენი ხართ ერთად ვართ და ვიბრძვით გამარჯვებისთვის.
მეგობრებო, წელს მთელს მსოფლიოში საქართველომ ორი რამით გაითქვა სახელი, პირველი ეს იყო მშვიდობიანი, ერთსულოვანი, განგრძნობადი პროტესტი რუსული კანონის წინააღმდეგ, არ დარჩენილა ქვეყანა, არ დარჩენილა მსოფლიო პოლიტიკოსი, ვინც არ გამოეხმაურა ქართველი ერის ერთიანობას და ქართველი ერის ერთსულოვნებას, ქართველი ახალგაზრდების დიდ ბრძოლას და დიახ, ეს იყო იმ ერთიანობის სიმბოლო, რომელსაც შეუძლია ძალიან დიდი საქმე გაკეთოს ქვეყნისთვის.
მეორე – ეს იყო ჩვენი საფეხბურთო ნაკრები, სადაც სტადიონზე თერთმეტი ადამიანი კი არა ოთხი მილიონი ქართველი თამაშობდა და ამან აღაფრთოვანა მთელი მსოფლიო.
ორივე ამ შემთხვევაში მსოფლიო მასშტაბის ამ დიდი აღიარების ფუნდამენტი იყო ერთიანობა, ერთიანობა და ერთსულოვნება.
სწორედ ამიტომ, ვაფუძნებთ ერთიანობის დიდ გამარჯვების ბლოკს, რამაც 26 ოქტომბერს უნდა მიგვიყვანოს გამარჯვებამდე. დიახ, ჩვენი სახელწოდებაა ერთიანობა, ჩვენი ნომერია ხუთი ნომერი, ჩვენი ლოგოა ხელის ჩამორთმევა, ხელს ვართმევთ საქართველოს ყველა მოქალაქეს.
ერთხელ და სამუდამოდ, ამ ქვეყანაში, წარსულს უნდა ჩავაბაროთ დაპირისპირება და ძალა, რომელიც აპირისპირებს, ძალა, რომელმაც ამ დიდი ერთიანობის ფონზე, სირცხვილი გვაჭამა მთელი მსოფლიოს მაშტაბით, , ქართული ოცნებაა” ეს ძალა, ის უნდა ჩამოვრეცხოთ და გავთავისუფლდეთ ამ ძალისგან, დადგა დრო ამ სირცხვილისგან გავთავისუფლდეთ.
დიდი მადლობა მიხეილ სააკაშვილს, რომელმაც ერთიანობის იდეა კიდევ ერთხელ მიაწოდა ქართულ საზოგადოებას.
პირველი ნაბიჯია რთული თორემ მერე დარწმუნებული ვარ მეტი და მეტი ადამიანი შემოგვიერთდება ამ პროცესში და მე მინდა მადლობა გადაუხადო თინა ბოკუჩავას გაერთიანებისთვის და მასთან ერთად ლევან ხაბეიშვილს მინდა ვუთხრა დიდი მადლობა, რომელმაც ამ ერთიანობას საფუძველი ჩაუყარა.
და დღეიდან დავიწყოთ ერთიანობის დიდი მოძრაობა, რომელიც მთელ საქართველოს გააერთიანებს, 26 ოქტომბერს ღირსებით წარსდგება ქართველი ერი და ერთხელ და სამუდამოდ დიდ გამარჯვებას მოვიპოვებთ“, – განაცხადა გიორგი ვაშაძემ.
ავტორი
ლიკა ჭოჭუა
