რაგბის კავშირის მიერ ბიძინა ივანიშვილისათვის დაბადების დღის მისალოც პოსტს მწვავედ აკრიტიკებს “ლეიბორისტული პარტიის” თავმჯდომარე, შალვა ნათელაშვილი:
“ცოდვილი ვარ და შემრისხეთ. ამ სპორტული მხედრიონის გამო ქართული პროფესიული სპორტის გაგონება არ მინდა. აღარ გვინდა ბატონო ასეთი კუნთიანი და სულამოცლილი ჩემპიონები. მილიონები რასაც ისინი შეექცევიან უნდა გადავისროლოთ მასობრივი სპორტის დასაფინანსებლად. ჯანმრთელი მომავალი თაობა მაინც გვეყოლება,” – წერს ფეისბუკის პირად გვერდზე შალვა ნათელაშვილი.
რაგბის კავშირის აღნიშნული მისალოცი წერილის გამო სოციალურ ქსელში კრიტიკული პოსტი გამოაქვეყნა, ასევე, შსს საინფორმაციო-ანალიტიკური დეპარტამენტის ყოფილმა ხელმძღვანელმა, შოთა უტიაშვილმაც:
“იაპონიაში ჩვენი რაგბისტების შედარებით სუსტი გამოსვლის მერე კი ვიფიქრე, ნეტა რა დაემართათ თქო.
რაგბის კავშირის დღევანდელი განცხადების მერე გავიგე, ბიძინას თავის ფულზე შეუსვია და აი შედეგიც.
ვერ ხვდებით, რომ ვინც მაგ კაცის ფულს ხელს მოკიდებს, პოლიტიკოსიან-სპორტსმენიან-მეცნიერიან-ბერიანად, ყველა დეგრადაციის გზით მიდის?” – წერს ფეისბუქ-გვერდზე შოთა უტიაშვილი.