ყოფილი პრემიერ-მინისტრი, პარტია ,,საქართველოსთვის” თავმჯდომარე, გიორგი გახარია მოსახლეობასთან შეხვედრის დროს განმარტავს, თუ რა არის სიმართლე სანქციებთან დაკავშირებით:
,,გამოდიან და იძახიან [მმართველი პარტია], რომ ,,ჩვენო, არაო, ვერავინ ვერ დაგვასანქცირებსო”. თან რას იტყუებიან, რომ ,,საქართველოსო ვერავინ ვერ დაასანქცირებსო”. თავის თავს უტოლებენ ქვეყანას.
არავის არ უთქვია, რომ საქართველოს დაასანქცირებენ. თქვეს, რომ ,,იმ ნაგვებს დავასანქცირებთო, ვინც ამ რუსული კანონის მიღებაში მონაწილეობდა და კიდევ, მათ უკან ვინც დგას, ქვეყანას ვინც ჩაგრავსო, რუსთაველზე, მშვიდობიან აქციაზე გამოსულ ბავშვებს რომ ურტყამენ, იმათ დავასანქცირებთო”. სხვა კი არაფერი არ უთქვამს.
არავის არ უთქვამს, რომ ქვეყანას დავასანქცირებთ. ესენი გამოდიან, ქვეყანას ეფარებიან, ქვეყნის უკან იმალებიან და ,,ვინ გაბედავსო საქართველოს დასანქცირებასო, გამოდითო, აბა, ერთიო!”
არავინ არ ასანქცირებს ქვეყანას! არავინ არ ემუქრება ქვეყანას. პირიქით, ამბობენ – ,,ქართველ ხალხს დავუჭერთ მხარს და იმათ, ვინც ქართველი ხალხის ნებას გადაუდგა, იმათ დავასანქცირებთო”, – განაცხადა გიორგი გახარიამ.
ავტორი
ნინი ხიჯაკაძე
