“სტრატეგია აღმაშენებლის” პოლიტიკური საბჭოს წევრი, გიორგი ხაბურზანია, გულისტკივილით აღსავსე, ემოციურ პოსტს აქვეყნებს სოციალურ ქსელში, 28 მაისს საპარლამენტო უმრავლესობის მიერ პრეზიდენტის ვეტოს დაძლევასა და “უცხოური გავლენის გამჭვირვალობის” იმ კანონპროექტის მიღებასთან დაკავშირებით, რომელსაც ოპოზიცია, არასამთავრობო სექტორი და საზოგადოების კონკრეტული ნაწილი “რუსულ კანონს” უწოდებს და მრავალი კვირის განმავლობაში აქტიურ პროტესტს გამოხატავდა:
“თვალებიდან არ ამომდის ახალგაზრდა გოგონების და დედების ცრემლები აქციაზე და გულანთებული ბიჭების ნაღვლიანი სახე იმის მოლოდინში, რომ ქართველი მაინც არ იზამდა ამ საზიზღრობას, მაგრამ ქნა!
არცერთს არ უნდა ეპატიოს ეს ღალატი და ცრემლები ჩვენი მომავალი თაობის!❤️
დარწმუნებული ვარ გამარჯვებას ყველა ერთად ვიზეიმებთ და ჩვენს პატარებს აუცილებლად დავუტოვებთ გაერთიანებულ, გამთლიანებულ, ევროკავშირის წევრ საქართველოს!✊
ჩვენი თაობის ვალია!” – დაწერა ფეისბუქის პირად გვერდზე გიორგი ხაბურზანიამ.
