საქართველოს საზოგადოებრივი მაუწყებლის სამეურვეო საბჭოს წევრი, ბონდო მძინარაშვილი ქვეყანაში შექმნილ მდგომარეობას კონკრეტული მინიშნებებით აფასებს:
“ეს ყალბი აურზაური მანიაკი სააკაშვილის (ქვეყნის შიგნით) და მისი ევრო-ამერიკელი ამფსონების (ქვეყნის გარედან) ოინებია:
საქართველოში ომით ფული ვერ იშოვეს და ახლა საქართველოში მშვიდობით ფულის შოვნის შანსსაც კარგავენ!
სამხრეთის დერეფანი და გზაჯვარედინი მსოფლიო მნიშვნელობას იძენს, – საქართველო ხდება არა მარტო აღმოსავლეთის და დასავლეთის, არამედ ჩრდილოეთის და სამხრეთის სავაჭრო-ეკონომიკური ურთიერთობის საკვანძო ადგილი.
ეს ფაქტორი ბევრს უმღვრევს გონებას, – საქართველოში მშვიდობით დაინტერესებულია ევროპაც და აზიაც, აღმოსავლეთიც და დასავლეთიც, ჩრდილოეთიც და სამხრეთიც!
ამავდროულად კი, საქართველოში მშვიდობა მიუღებელია იმ ძალებისთვის, რომელთაც დიდი სურვილი აქვთ, ეს სივრცე მხოლოდ მათი კონტროლის ქვეშ იყოს და მგზავრთა თუ ტვირთ-ნაკადები საკუთარ ნებაზე გაატარონ.
მხოლოდ ეს არის მიზეზი ამ კასტრატული ვნებისა, კანონი კი საბაბად მოიდეს!
დიდი ფულია ყველაფრის თავი და თავი!
დიდი პოლიტიკაა ყველაფრის ანი და ჰოე!
გზაჯვარედინის კონტროლის სურვილი იწვევს “მსოფლიო პოლიციელის” კრუნჩხვებს, რადგან ეუბნებიან, რომ საქართველოში “გაი” დიდი ხანია გაუქმდა და “შვიშტოკით” აქ აღარავინ დააყენებს!“, – წერს ფეისბუქის პირად გვერდზე ბონდო მძინარშვილი.
